قصيدة عن الأم**

موضوع: قصيدة عن الأم** الأحد 18 يناير 2009, 12:32 pm

خايف عليها من الثرى غطاها ولا الحصى حافي اخاف اذاها
اكرم عليها بالكفن يامطوع بالبيت ضل فراشها وغطاها
اكرم عليها بالكفن هذى امي واشهد عليها بما عطت يمناها
هذى الضحى والليل يتحرونه هذى السماء ونجومها تنعاها
هذى السوالف مثلنا تبكيها والارض تنشد عن اثر خطاها
هذى الكبيره كبير هذى الدنيا هذى العظيمه جل من سواها
ابكي عليها مو نهار وليله ولا سنه تمشي واعد قضاها
ابكي عليها كثر ماشلتني وكثر الحنين اللى اخطلط بغناها
وكثر الاسامي وكثر من سموها وكثر النجوم وكثر من يرعاها
ابكي عليها من القهر يادنيا من لى انا عقب فرقاها..؟؟
من فتحت عيني ولا خلتني وشوفوا ولدها بالقبر خلاها..؟؟
هل التراب بوجها ماقصر شفتوا ولدها كيف هو جازها
لو انها مكاني ماسوتها لكن اعز عيالها سواها
يالدود شفها ذابله جنبها انا ولدها وحاظر وافداها
قطعني هاك اللى تبي من جسمي بس الكريمه لاتجي بحذاها
بوصيك امانه قلها تعذرني وتكفي تروح تحب لى ماطاها
ابيها تغفر لى مثل ماكانت كل خمله مني بطيبها ترفها
يالله عساها بالنعيم الخالد وعساها بجنه عدن سكناها
يافضو هذا الكون ياهو خالى ياضيق هذى الدنيا يامقساها
يامر طعم فراقها يامره ماني مصدق ارجع ومالقها
وشلون اجي لغرفتها وماهي فيها وش عذري لسبحتها ومصلاها
شقول انا لدولابها لشنطتها واذا سألني مشطها وحناها
وعباتها وماي زمزم ومصحفها والمبخره ورشوشها ودواها
الكل في غرفتها متفقدها حتي الجدار مفطر ويرجاها
الكل يبكيها ماهو ناسيها يالله صبرني وشلون انساها
ياليتها ماراحت وخلتني او وسعت لى بالقبر وياها

غاليتي نايس
اسمحي لي

قصيدة عن الأم** 335951382

امي نظر عيني دوا كل عله
من كفها الطاهر شربت الزلالي
***
وجه سموح وبسمته ماتمله
شلال حب ماترده جبالي
***
طيبه على طيبه وهي الطيب كله
اصل وفصل والشان في الناس عالي
***
وفي الجد صالح الحق دايم تسله
ماهمها من كان ولو كان خالي
***
ويارائد منهو كان حضنك محله
يدفي لو هبت هبوب الشمالي
***
ولا ياعرب ما قلت شعر اتسلى
حبيت ابين للملا راس مالي
***

مع وديــــ
البرنســـــــ باربي ـــــــــبسة

لا بجد حلوه كتيرالى الامام Laughing

يسلمووو باربي على هالقصيدة الرائعة ويسلمووو عاى مرورك أبDوAديWابA

» بمناسبة عيد الأم
» قصيدة الرومانسية